തിരുവനന്തപുരം: വിഴിഞ്ഞം തുറമുഖം യാഥാര്‍ഥ്യമാക്കണമെന്നാവശ്യപ്പെട്ട് വിഴിഞ്ഞം മദര്‍ പോര്‍ട്ട് ആക്ഷന്‍ സമിതി സംഘടിപ്പിക്കുന്ന കൈയൊന്നിന് ഒരു കല്ലുമായി വിഴിഞ്ഞത്തേക്ക് എന്ന സമരത്തിന് തുടക്കമായി. രാജ്യത്തിന്റെ വിവിധ ഭാഗങ്ങളില്‍നിന്നു വിഴിഞ്ഞത്തേക്ക് കൊണ്ടുപോകാനുള്ള കല്ലു ശേഖരണത്തോടെയാണ് ഇന്നലെ സെക്രട്ടേറിയറ്റിനു മുന്നില്‍ സമരത്തിന് തുടക്കമായത്. പ്രതിഷേധക്കാര്‍ ഇന്ന് വിഴിഞ്ഞത്തെത്തി ശേഖരിച്ച കല്ലുകള്‍ തടയണകള്‍ക്ക് മീതേ നിക്ഷേപിക്കും.
പദ്ധതി പൂര്‍ത്തീകരണത്തിന് വിഘാതമായി നില്‍ക്കുന്നത് കരിങ്കല്ലിന്റെ ലഭ്യതക്കുറവാണെന്ന സര്‍ക്കാര്‍ വാദമാണ് തങ്ങളെ ഇത്തരമൊരു പ്രതീകാത്മക സമരത്തിലേക്ക് നയിച്ചതെന്ന് സമരം ഉദ്ഘാടനം ചെയ്തുകൊണ്ട ്ആക്ഷന്‍ സമിതി മുതിര്‍ന്ന അംഗം സാലി ഹാജി പറഞ്ഞു.