പട്‌ന: ആരാ ജയിലില്‍ വിചാരണ തടവുകാര്‍ തമ്മിലുണ്ടായ ഏറ്റുമുട്ടലില്‍ നിരവധിപേര്‍ക്ക് പരുക്ക്. ഇന്നലെ രാവിലെയാണ് ബോജ്പൂര്‍ ജില്ലയിലെ ജയിലില്‍ തടവുകാര്‍ ചേരിതിരിഞ്ഞ് ഏറ്റുമുട്ടിയത്. പരസ്പരം പോര്‍വിളി നടത്തിയ സംഘം പിന്നീട് ഏറ്റുമുട്ടുകയായിരുന്നുവെന്ന് പൊലിസ് പറഞ്ഞു. പരുക്കേറ്റ ഒരാളുടെ നില ഗുരുതരമാണെന്നാണ് വിവരം. അക്രമം ആവര്‍ത്തിക്കാതിരിക്കാന്‍ കൂടുതല്‍ പൊലിസിനെ വിന്യസിച്ചിട്ടുണ്ട്.