ന്യൂഡല്‍ഹി: അടുത്ത സാമ്പത്തിക വര്‍ഷത്തോടെ രാജ്യത്തിന്റെ സാമ്പത്തിക സ്ഥിതി മെച്ചപ്പെടുമെന്ന് ധനകാര്യ മന്ത്രി അരുണ്‍ ജെയ്റ്റ്‌ലി.
ഇപ്പോഴുണ്ടായികൊണ്ടിരിക്കുന്ന ചില പ്രതിസന്ധികളില്‍ ആശങ്കപ്പെടേണ്ടതില്ലെന്നും അദ്ദേഹം വ്യക്തമാക്കി.
ബജ്റ്റ് അവതരണത്തിനു പിന്നാലെ ആര്‍.ബി.ഐ ബോര്‍ഡ് യോഗശേഷം മാധ്യമങ്ങളോട് സംസാരിക്കുകയായിരുന്നു ധനകാര്യമന്ത്രി. ലക്ഷ്യം കൈവരിക്കാന്‍ കഴിഞ്ഞിട്ടില്ലെങ്കിലും അതില്‍ ആശങ്കപ്പെടേണ്ടതില്ലെന്നുപറഞ്ഞ അദ്ദേഹം ആഗോളതലത്തില്‍ എണ്ണ വില ഉയരുന്നത് രാജ്യത്തിന്റെ സാമ്പത്തിക സ്ഥിതിയില്‍ ആശങ്ക ഉയര്‍ത്തുന്നില്ലെന്നും വ്യക്തമാക്കി.
രൂപയുടെ മൂല്യം ഇടിഞ്ഞതും കഴിഞ്ഞ മൂന്ന് ദിവസങ്ങിലായി ഇന്ധന വില കുതിച്ചുകയറുന്നതും സാമ്പത്തിക സ്ഥിതിയില്‍ ഗുരുതരമായ പ്രത്യാഘാതം രാജ്യത്തിനേല്‍പ്പിക്കില്ലെന്നും പറഞ്ഞു.