തൃപ്രയാര്‍ : തൃപ്രയാര്‍ അഖിലേന്ത്യാ വോളിബോള്‍ ടൂര്‍ണമെന്റ് മാറ്റിവെച്ചു. വോളിബോള്‍ ഫെഡറേഷന്‍ ഓഫ് ഇന്ത്യയുടെ നിര്‍ദേശപ്രകാരം
ഫെബ്രുവരി 19 മുതല്‍ 26 വരെ നടത്താനിരുന്ന ടൂര്‍ണമെന്റ് മാര്‍ച്ച് 12 മുതല്‍ 19 തിയ്യതികളിലേക്ക് മാറ്റിവെച്ചതായി ജനറല്‍ സെക്രട്ടറി സി.ജി അജിത്കുമാര്‍ അറിയിച്ചു.
ടൂര്‍ണമെന്റിന്റെ പുരുഷവിഭാഗം വിജയികള്‍ക്കുള്ള സ്വര്‍ണക്കപ്പ് കൈമാറി. ടി.എസ്.ജി.എ ചെയര്‍മാന്‍ ടി.എന്‍ പ്രതാപന്‍ എലൈറ്റ് ഫുട്‌സ് ചെയര്‍മാന്‍ ടി.ആര്‍ വിജയകുമാറില്‍ നിന്നുമാണ് ടി.ആര്‍ രാഘവന്‍ മെമ്മോറിയല്‍ എലൈറ്റ് സ്വര്‍ണകപ്പ് ഏറ്റുവാങ്ങിയത്. തളിക്കുളം ബ്‌ളോക്ക് പഞ്ചായത്ത് പ്രസിഡന്റ് ഡോ: എം.ആര്‍ സുഭാഷിണി, പി.കെ സുഭാഷ്ചന്ദ്രന്‍, ശിവന്‍ കണ്ണോളി, സി.ജി.അജിത്കുമാര്‍, ടി.ആര്‍ ദില്ലിരത്‌നം തുടങ്ങിയവര്‍ ചടങ്ങുകളില്‍ സംബന്ധിച്ചു.