കിളിമാനൂര്‍: പണം പിടിച്ചു പറിക്കാനായി ഗുണ്ടാ സംഘം യുവാവിന്റെ തല അടിച്ചു തകര്‍ത്തു .ഗുരുതരമായി പരിക്കേറ്റ യുവാവിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കൊടുവഴന്നൂര്‍ പൊയ്യക്കട ജെ.എസ് നിവാസില്‍ ജോഷി (32) ക്കാണ് പരുക്കേറ്റത് .ഇന്നലെ കിളിമാനൂരിലെ പൊതു മാര്‍ക്കറ്റിനു സമീപത്താണ് സംഭവം.
നിരവധി കേസിലെ പ്രതിയായ ആമ്പന്‍ എന്ന് വിളിക്കുന്ന റെജി ഉള്‍പ്പെടുന്ന സംഘമാണ് ആക്രമണം നടത്തിയതെന്ന് ദൃസാക്ഷികള്‍ പറഞ്ഞു.കിളിമാനൂര്‍ പൊലിസ് കേസെടുത്തു.ഏറെക്കാലത്തിനു ശേഷം മേഖലയില്‍ വീണ്ടും ഗുണ്ടാ സംഘം തലപൊക്കിയിരിക്കുകയാണ്.
കിളിമാനൂര്‍ ബിവറേജിന് മുന്നില്‍ ഭീഷണിപ്പെടുത്തി പണം കൈക്കലാക്കുന്നതായും ചിലവ്യാപാര ശാലകളില്‍ കടന്നുകയറി പണം തട്ടുന്നതായും പരാതി ഉയര്‍ന്നിട്ടുണ്ട്.