കാട്ടാക്കട: നെട്ടുകാല്‍ത്തേരി തുറന്ന ജയിലിലുണ്ടായ അപകടത്തില്‍ അന്തേവാസികള്‍ക്ക് ഗുരുതര പരുക്ക് .
തടവുകാരായ മനോജ്, സന്തോഷ്,പ്രസാദ് എന്നിവര്‍ക്കാണ് പരുക്കേറ്റത്. ഇവരില്‍ സന്തോഷ് ,പ്രസാദ് എന്നിവരെ മെഡിക്കല്‍ കോളജ് ആശുപത്രിയിലേക്ക് മാറ്റി .
ഇന്നലെ ഉച്ചയോടെ ജയിലിനു സമീപത്ത് ശ്മശാനത്തിനടുത്ത് വെച്ച് ഇവര്‍ സഞ്ചരിച്ചിരുന്ന ട്രാക്റ്റര്‍ നിയന്ത്രണം തെറ്റി മറിയുകയായിരുന്നു.റബര്‍ പാല്‍ ശേഖരിച്ചു മടങ്ങുന്നതിനിടെ ഇറക്കത്തില്‍ ട്രാക്റ്ററിന്റെ ബ്രേക്ക് തകരാര്‍ സംഭവിക്കുകയും നിയന്ത്രണം തെറ്റി സമീപ താഴ്ചയിലേക്ക് മറിയുകയുമായിരുന്നു. ശ്മശാനത്തില്‍ മരണാന്തര ചടങ്ങുകള്‍ക്ക് എത്തിയവര്‍ വഴിയാണ് സംഭവം പുറം ലോകമറിഞ്ഞത്.