ന്യൂഡല്‍ഹി: സുല്‍ത്താന്‍ അസ്ലന്‍ ഷാ കപ്പ്, കോമണ്‍വെല്‍ത്ത് ഗെയിംസ് പോരാട്ടങ്ങള്‍ക്കുള്ള ഹോക്കി ടീമിനെ തിരഞ്ഞെടുക്കാനുള്ള ദേശീയ ക്യാംപിലേക്ക് 33 താരങ്ങളെ ഹോക്കി ഇന്ത്യ പ്രഖ്യാപിച്ചു. ന്യൂസിലന്‍ഡില്‍ അരങ്ങേറിയ ചതുര്‍രാഷ്ട്ര ഹോക്കി പോരാട്ടത്തില്‍ മിന്നും പ്രകടനം നടത്തിയ യുവ താരങ്ങളടക്കമുള്ളവര്‍ പട്ടികയിലുണ്ട്. മലയാളി താരം പി.ആര്‍ ശ്രീജേഷും ക്യാംപിനായി തിരഞ്ഞെടുക്കപ്പെട്ടിട്ടുണ്ട്. മാര്‍ച്ച് മൂന്ന് മുതല്‍ 10 വരെയാണ് സുല്‍ത്താന്‍ അസ്ലന്‍ ഷാ കപ്പ്. ഏപ്രില്‍ നാല് മുതല്‍ ആസ്‌ത്രേലിയയിലെ ഗോള്‍ഡ് കോസ്റ്റിലാണ് കോമണ്‍വെല്‍ത്ത് ഗെയിംസ് അരങ്ങേറുന്നത്.