തിരുവനന്തപുരം: ഗവ.ലോ കോളജില്‍ ബദല്‍ തര്‍ക്കപരിഹാര സംവിധാനത്തിനുള്ള ജസ്റ്റിസ് വി.ആര്‍.കൃഷ്ണയ്യര്‍ ചെയറും കെല്‍സ ട്രോഫി മത്സരങ്ങളും വിദ്യാഭ്യാസ മന്ത്രി സി.രവീന്ദ്രനാഥ് ഉദ്ഘാടനം ചെയ്തു. പ്രിന്‍സിപ്പാള്‍ ഡോ.കെ.ആര്‍. രഘുനാഥന്‍ അധ്യക്ഷനായി. ജില്ലാ ലീഗല്‍ സര്‍വിസസ് അതോറിറ്റി സെക്രട്ടറി ബി. പ്രഭാത് കുമാര്‍, ബാര്‍ അസോസിയേഷന്‍ പ്രസിഡന്റ് അഡ്വ. ആനയറ ഷാജി, മുന്‍ പ്രിന്‍സിപ്പല്‍ പ്രൊഫ. കെ.എസ്. അജയകുമാര്‍, പി.ടി.എ വൈസ് പ്രസിഡന്റ് അഡ്വ.ബി. സുരേഷ്‌കുമാര്‍, യൂനിയന്‍ ചെയര്‍മാന്‍ നവീന്‍ സുരേഷ് തുടങ്ങിയവര്‍ സംസാരിച്ചു. വിവിധ മത്സരങ്ങളില്‍ വിജയിച്ച ലോ കോളജ് വിദ്യാര്‍ഥികള്‍ക്കുള്ള പുരസ്‌കാരങ്ങള്‍ മന്ത്രി വിതരണം ചെയ്തു. ഇന്നും നാളെയുമായി നടക്കുന്ന കെല്‍സ ട്രോഫി മത്സരങ്ങളില്‍ കേരളത്തിലെയും വിവിധ സംസ്ഥാനങ്ങളിലെയും നിയമ വിദ്യാര്‍ഥികള്‍ പങ്കെടുക്കും. സമാപനസമ്മേളനം നാളെ വൈകിട്ട് ഹൈക്കോടതി ജഡ്ജി ജസ്റ്റിസ് എ.എം. ബാബു ഉദ്ഘാടനം ചെയ്യും.