ചെന്നൈ: തമിഴ്‌നാട് നിയമസഭയില്‍ മുഖ്യമന്ത്രി പളനിസ്വാമി വിശ്വാസവോട്ടെടുപ്പ് തേടാനിരിക്കെ പളനിസ്വാമിക്കെതിരെ വോട്ട് ചെയ്യുമെന്ന് മൈലാപ്പൂര്‍ എം.എല്‍.എ ആര്‍.നടരാജ്. ഇപ്പോല്‍ പളനിസ്വമിക്കൊപ്പമുള്ള എം.എല്‍.എമാരുടെ എണ്ണം 123 ആയി കുറഞ്ഞു. നാളെ രാവിലെ 11 മണിക്കാണ് വിശ്വാസ വോട്ടെടുപ്പ് നടക്കുന്നത്.

തമിഴ്‌നാടിന്റെ ഇപ്പോഴത്തെ അവസ്ഥയില്‍ ജനങ്ങള്‍ അസന്തുഷ്ടരാണ്. തന്നെ തിരഞ്ഞെടുത്ത ജനങ്ങളോടുള്ള കടമ മറക്കില്ലെന്നും അവര്‍ക്കായി പ്രവര്‍ത്തിക്കുമെന്നും നടരാജ് വ്യക്തമാക്കിയിരുന്നു. എം.എല്‍.എമാര്‍ തടവിലാണെന്ന പരാതി വ്യാപകമായ സമയത്ത് താന്‍ മണ്ഡലമായ മൈലാപ്പൂരില്‍ തന്നെയുണ്ടെന്നു കാട്ടി അദ്ദേഹം ഫെയ്‌സ്ബുക്കില്‍ പോസ്റ്റിട്ടിരുന്നു.