കൊല്ലം: അഞ്ചലില്‍ കെ.എസ്.ആര്‍.ടി.സി വേണാട് ബസ് ഓട്ടോറിക്ഷയിലിടിച്ച് ഓട്ടോ യാത്രക്കാരായ രണ്ടു യുവതികള്‍ മരിച്ചു. മൂന്നുപേര്‍ക്ക് പരുക്ക്. അകമണ്‍ പുതുവിള വീട്ടില്‍ ആതിര(23),സോമാലത്തില്‍ പ്രീതി(21) എന്നിവരാണ് മരിച്ചത്. ആതിരയുടെ അമ്മ അമ്പിളി, പ്രീതിയുടെ ഭര്‍ത്താവ് അജിത്,ഓട്ടോ ഡ്രൈവര്‍ മുഹമ്മദ് സുല്‍ഫിക്കര്‍ എന്നിവരെ പരുക്കുകളോടെ അഞ്ചലിലെ സ്വകാര്യ ആശുപത്രിയില്‍ പ്രവേശിപ്പിച്ചു. അഞ്ചല്‍ആയൂര്‍ റോഡില്‍ ഇടമുളയ്ക്കല്‍ എസ് വളവില്‍ ഇന്നു രാവിലെ പത്തരയോടെയായിരുന്നു അപകടം. അപകട സാധ്യത കൂടിയ മേഖലയായിട്ടും തെറ്റായ വശത്തൂടെ അമിത വേഗതയില്‍ ബസ് വന്നതാണ് അപകട കാരണമെന്ന് ദൃക്‌സാക്ഷികള്‍ പറഞ്ഞു.