ലാഹോര്‍: 100 ഒാളം ആളുകളുടെ മരണത്തിനിടയാക്കിയ സ്‌ഫോടനത്തെ തുടര്‍ന്ന് രാജ്യത്തെ സുരക്ഷാ സംവിധാനങ്ങള്‍ പാകിസ്താന്‍ കര്‍ശനമാക്കുന്നു. ഇതിന്റെ ഭാഗമായി അഫ്ഗാനിലേക്കുള്ള രണ്ട് അതിര്‍ത്തി അടച്ചതായി പാക് പ്രതിനിധി റിപ്പോര്‍ട്ട് ചെയ്തു. സ്‌ഫോടനത്തിനു പിന്നില്‍ പ്രവര്‍ത്തിച്ചവരെന്നു സംശയിക്കുന്ന 76 തീവ്രവാദികളെ വിട്ടു നല്‍കാന്‍ കാബൂളിനോട് പാക്കിസ്താന്‍ ആവശ്യപ്പെട്ടിട്ടുണ്ട്.
കഴിഞ്ഞ ദിവസമാണ് ദക്ഷിണ സിന്ദ് പ്രവിശ്യയിലെ സെഹ്‌വാനില്‍ വിശ്രുത പാക് സൂഫി പണ്ഡിതന്‍ ലാല്‍ ഷഹബാസ് ഖലന്ദറിന്റെ ദര്‍ഗയില്‍ സ്‌ഫോടനമുണ്ടായത്. സംഭവത്തില്‍ 100 പേര്‍ കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തു.
ഏഷ്യയിലെ തന്നെ പ്രമുഖ സൂഫീ തീര്‍ഥാടനകേന്ദ്രമായ ലാല്‍ ഷഹബാസ് കലന്ദര്‍ ദര്‍ഗയില്‍ പ്രത്യേക ചടങ്ങായ ദമാലിനിടെ ദര്‍ഗക്കു മുറ്റത്താണു സ്‌ഫോടനം നടന്നത്. ചടങ്ങു തുടങ്ങുന്നതിനു മുന്‍പ് ദര്‍ഗക്കു മുന്‍പിലെ സുവര്‍ണ കവാടത്തിലൂടെ അകത്തുകടന്ന ഭീകരന്‍ ചടങ്ങുകള്‍ ആരംഭിച്ച ശേഷം ജനക്കൂട്ടത്തിനു നേരെ ഗ്രനേഡ് എറിഞ്ഞ ശേഷം സ്വയം പൊട്ടിത്തെറിക്കുകയായിരുന്നു