ചെന്നൈ: തമിഴ്‌നാട് മുഖ്യമന്ത്രിയായി സ്ഥാനമേറ്റ എടപ്പാടി പളനിസ്വാമിയ്ക്ക് പ്രതിപക്ഷ നേതാവ് എം.കെ സ്റ്റാലിന്റെ ഉപദേശം. രണ്ട് നിര്‍ദ്ദേശങ്ങളാണ് സ്റ്റാലിന്‍ പളനിസ്വമിക്ക് നല്‍കിയത്. പനീര്‍ശെല്‍വത്തിന്റെ കൂറുമാറ്റത്തിനിടെ ഏറെ ചര്‍ച്ചയായ 'ചിരി' യെ പരാമര്‍ശിച്ചായിരുന്നു ആദ്യത്തെ ഉപദേശം. 'തന്നെ നോക്കി ചിരിക്കരുത്'. രണ്ടാമത് ശശികലയുടെ റിമോര്‍ട്ട് കണ്‍ട്രോള്‍ നേതാവായി പ്രവര്‍ത്തിക്കരുത്.

പനീര്‍ശെല്‍വം കൂറുമാറിയതടക്കം അണ്ണാ ഡി.എം.കെയിലെ പ്രശ്‌നങ്ങളുടെ കാരണം ഡി.എം.കെയാണെന്നും പനീര്‍ശെല്‍വം സ്റ്റാലിനെ നോക്കി ചിരിച്ചതിന്റെ അര്‍ഥം ഇതായിരുന്നുവെന്നും ശശികല ആരോപിച്ചിരുന്നു.

വ്യാഴാഴ്ചയാണ് പളനിസ്വാമിയുടെ നേതൃത്വത്തില്‍ 31 അംഗ മന്ത്രിസഭ സത്യപ്രതിജ്ഞ ചെയ്ത അധികാരമേറ്റത്. നാളെയാണ് വിശ്വാസവോട്ടെടുപ്പ് നടക്കുന്നത്. അതുകൊണ്ട് തന്നെ പ്രതിപക്ഷ പാര്‍ട്ടിയായ ഡി.എം.കെയുടെ നിലപാട് എന്താണെന്ന് അറിയാനുള്ള ആകാംഷയിലാണ് തമിഴകം.