കൊണ്ടോട്ടി: ഈ വര്‍ഷത്തെ ഹജ്ജിന് തെരഞ്ഞെടുക്കപ്പെട്ടവര്‍ക്കുള്ള ആദ്യ ഗഡു തുക അടയ്‌ക്കേണ്ട തിയതി ഇന്ന് അവസാനിക്കും. 81,000 രൂപ ബാങ്കില്‍ അടച്ച രശീതി, മെഡിക്കല്‍ സര്‍ട്ടിഫിക്കറ്റ്, പാസ്‌പോര്‍ട്ട് എന്നിവ ഇന്ന് വൈകിട്ട് അഞ്ചിന് മുന്‍പായി സംസ്ഥാന ഹജ്ജ് കമ്മിറ്റിയുടെ കരിപ്പൂര്‍ ഹജ്ജ് ഹൗസില്‍ സമര്‍പ്പിച്ചിരിക്കണം. അല്ലാത്തവര്‍ക്ക് ഹജ്ജിന് അവസരം നഷ്ടമാകുമെന്ന് ഹജ്ജ് കമ്മിറ്റി അറിയിച്ചു.