കോഴിക്കോട്: സാഹിത്യോത്സവങ്ങള്‍ പണം നല്‍കുന്നവരുടെ പ്രചാരണത്തിനുള്ളതല്ലെന്ന് കെ. സച്ചിദാനന്ദന്‍.
കേരള ലിറ്ററേച്ചര്‍ ഫെസ്റ്റിവലില്‍ എ.കെ.ജി ഭവനില്‍നിന്ന് തിട്ടൂരം വാങ്ങിയ എഴുത്തുകാര്‍ മാത്രം പോരെന്ന കുമ്മനം രാജശേഖരന്റെ പ്രസ്താവനയോട് പ്രതികരിക്കുകയായിരുന്നു അദ്ദേഹം.
കേന്ദ്ര സര്‍ക്കാര്‍ അനുവദിച്ച 20 ലക്ഷം ജനങ്ങളുടെ നികുതിപ്പണമാണ്. പണം നല്‍കിയാല്‍ അനുകൂലമായി പറയണമെന്ന വാദം വിലപ്പോവില്ല.
നുണ പ്രചരിപ്പിക്കുന്ന ഒരുകൂട്ടം ആളുകള്‍ വീണ്ടും നുണക്കഥകളുമായി ഇറങ്ങിയിരിക്കുകയാണ്. സംഘ്പരിവാര്‍ എഴുത്തുകാരെ സമ്മര്‍ദത്തിലാക്കാന്‍ ശ്രമിച്ചാല്‍ അതിന് വഴങ്ങില്ലെന്നും ഫെസ്റ്റിവല്‍ ഡയറക്ടര്‍ കൂടിയായ അദ്ദേഹം പറഞ്ഞു.