പനാജി: പാര്‍ലമെന്റില്‍ ചിരിച്ചതിനാല്‍ രാമായണത്തിലെ ശൂര്‍പ്പണഖയോട് പ്രധാനമന്ത്രി ഉപമിച്ചതിനതിന്ന് മറുപടിയുമായി കോണ്‍ഗ്രസ് എം.പി രേണുക ചൗധരി രംഗത്ത്. ചിരിക്കാരും ജി.എസ്.ടി ഏര്‍പ്പെടുത്തിയിട്ടില്ല, ചിരിക്കാന്‍ ആരുടെയും സമ്മതം ആവശ്യമില്ലെന്നും രോണുക ചൗധരി പറഞ്ഞു.
പ്രധാനമന്ത്രിയുടെ രാജ്യസഭാ പ്രസംഗത്തിനിടെയാണ് അവര്‍ ചിരിച്ചത്. ഗോവയിലെ പനാജിയില്‍ മാധ്യമങ്ങളോട് സംസാരിക്കുകയാരുന്നു അവര്‍. മോദിയുടെ പരാമര്‍ശം സ്ത്രീകളോടുള്ള അദ്ദേഹത്തിന്റെ മാനസികാവസ്ഥയാണ് സൂചിപ്പിക്കുന്നതെന്ന് രേണുക ചൗധരി നേരത്തെ പറഞ്ഞിരുന്നു.
മോദിയുടെ തനിക്കെതിരേയുള്ള പരാമര്‍ശത്തെ തുടര്‍ന്ന് രാജ്യ വ്യാപകമായി സ്ത്രീകളുടെ പിന്തുണ ലഭിച്ചെന്ന് രേണകു ചൗധരി പറഞ്ഞു. ശുര്‍പ്പണഖയെപ്പോലെ ചിരിക്കുക, രേണുക ചൗധരിയെപ്പോലെ ചിരിക്കുക തുടങ്ങിയ ഹാഷ് ടാഗുകളുണ്ടായിരുന്നു. താന്‍ അഞ്ചു തവണ പാര്‍ലമെന്റ് അംഗമായിരുന്നു. എന്നാല്‍ പ്രധാനമന്ത്രി തന്റെ സ്വാഭാവത്തെ മോശമായാണ് വിലയിരുത്തിയത്. എന്നാല്‍ സ്ത്രീകള്‍ മാറിയെന്നും എങ്ങനെ സംസാരിക്കണമെന്ന് അവര്‍ക്ക് അറിയാം. ഇത് സൂചിപ്പിക്കുന്ന സ്ത്രീകളോടുള്ള പ്രധാനമന്ത്രിയുടെ മനോഭാവമാണെന്ന് ചൗധരി പറഞ്ഞു.
പൊതു ജീവതത്തിന്നിടയില്‍ ജനങ്ങളുടെ പിന്തുണയാണ് തനിക്കുണ്ടായിരുന്നത്. എങ്ങനെ എപ്പോള്‍ ചരിക്കാമെന്ന് യാതൊരു നിയമവുമില്ല. നിങ്ങള്‍ ചിരിക്കുന്നു. ചിരിക്ക് ജി.എസ്.ടി ഇല്ല. അഞ്ചു സമയം എം.പിയായിട്ടും ചിരിക്കാനായിട്ട് ആരുടെയും അനുവാദം വാങ്ങിയിട്ടില്ല. സമ്പ്രദായികതയും മിത്തുകളുമാണ് താന്‍ തകര്‍ത്തിരിക്കുന്നത്.
തന്റെ ചിരിയിലൂടെ അധികാരികളെയാണ് വെല്ലുവിളിച്ചിരിക്കുന്നത്. പാര്‍ലമെന്റ് നിയമനിര്‍മാണം നടത്തുന്നു.
എന്നാല്‍ സമത്വത്തോടെ സ്ത്രീകളോട് എങ്ങനെ പൊരുമാറണമെന്ന് പാര്‍ലമെന്റ് അംഗങ്ങളെ നാം പഠിപ്പിച്ചുകൊടുക്കണം. സമൂഹത്തിലുള്ളതിന്റെ പ്രതിഫലനമാണ് പാര്‍ലമെന്റിലുള്ളതെന്ന് ചൗധരി കൂട്ടിച്ചേര്‍ത്തു.
രാജ്യ സഭയില്‍ പ്രധാനമന്ത്രിയുടെ ആധാര്‍ പരാമര്‍ശത്തിനിടെയായിരുന്നു ചൗധരി ചിരിച്ചത്. ഇതിനെതിരേയായിരുന്നു മോദിയുടെ ശൂര്‍പ്പണഖ പരാമര്‍ശം. രാജ്യസഭാ ചെയര്‍മാനായ ഉപരാഷ്ട്രപതിയോട് ചൗധരിക്കെതിരേ നടപടിയെടുക്കണമെന്നും മോദി ആവശ്യപ്പെട്ടിരുന്നു.