കിളിമാനൂര്‍: അപൂര്‍വ ഇനത്തില്‍പ്പെട്ട നക്ഷത്ര ആമയുമായി  നാലു പേരെ ഫോറസ്റ്റ് അധികൃതര്‍ പിടികൂടി.
അടൂര്‍ വടക്കേടത്ത് കാവ് ലിസി ഭവനില്‍ ബെറ്റി വര്‍ഗീസ് , അഞ്ചല്‍ ഏരൂര്‍ തച്ച് മന്ദിരത്തില്‍ ഗിരീഷ്,കൊല്ലം മയ്യനാട് കാരിക്കുഴി രാജേഷ് ഭവനില്‍ രാജേഷ് ,കൊല്ലം മുണ്ടക്കല്‍ ഈസ്റ്റ് ഷാജി ഭവനില്‍ രാജു എന്നിവരാണ് വനം വകുപ്പ് ഇന്റലിജന്‍സിനു ലഭിച്ച രഹസ്യ വിവരത്തെ തുടര്‍ന്ന് പിടിയിലായത് .തിരുവനന്തപുരം ഫ്‌ളയിങ് സ്‌ക്വാഡ് വിഭാഗം ഡിവിഷണല്‍ ഫോറസ്റ്റ് ഓഫീസര്‍ ജെ.ആര്‍.അനി ,പാലോട് റെയിഞ്ച് ഫോറസ്റ്റ്  ഓഫിസര്‍  എസ് വി.വിനോദ് ,സെക്ഷന്‍ ഫോറസ്റ്റ് ഓഫീസര്‍ മാരായ  ഷിജുഎസ് വി നായര്‍  ,ജി.വി.ഷിബു ,നജുമുദ്ദീന്‍,മണികണ്ഠന്‍ നായര്‍  എന്നിവരുടെ നേതൃത്വത്തിലുള്ള  സംഘമാണ്  ഇവരെ പിടികൂടിയത് .ആമക്ക് ഉദ്ദേശം ഒന്നര കിലോ തൂക്കം വരും. ആമയെ കടത്താന്‍ ഉപയോഗിച്ച വാഹനവും കസ്റ്റഡിയില്‍ എടുത്തിട്ടുണ്ട്. 1972 ലെ വന്യ ജീവി സംരക്ഷണ നിയമ പ്രകാരം അതീവ പ്രാധാന്യത്തോടെ സംരക്ഷിച്ചു വരുന്ന നക്ഷത്ര ആമയെ പിടി കൂടുന്നതും കൈവശം വയ്ക്കുന്നതും ഗുരുതരമായ കുറ്റമാണ്. .പ്രതികളെ ഇന്ന് കോടതിയില്‍ ഹാജരാക്കും.