റിയാദ്: കനത്ത മഴയില്‍ റെയില്‍ പാളം തകര്‍ന്നതിനെ തുടര്‍ന്ന് സഊദിയില്‍ ട്രെയിന്‍ അപകടത്തില്‍ പെട്ടു. കിഴക്കന്‍ പ്രവിശ്യയില്‍ ദമാമിനു സമീപം വെള്ളിയാഴ്ചയാണ് സംഭവം.

റിയാദില്‍ നിന്നും ദമാമിലേക്ക് വരികയായിരുന്ന ട്രെയിന്‍ അപകടത്തില്‍ 18 പേര്‍ക്ക് പരുക്കേറ്റതായി സഊദി റയില്‍വേഓര്‍ഗനൈസേഷന്‍ അറിയിച്ചു. കഴിഞ്ഞ ഏതാനും ദിവസങ്ങളായി സഊദിയില്‍ കനത്ത മഴയാണ്. ഇതെ തുടര്‍ന്ന് പാളത്തിനടിയിലെ മണ്ണ് ഒഴുകി പോയതിനെ തുടര്‍ന്നാണ് അപകടം.

യാത്രക്കാരായ 193 പേരെയും 6 ട്രെയിന്‍ ഉദ്യോഗസ്ഥരെയും മറ്റൊരു ട്രെയിനില്‍ ദമാമിലെ ആശുപത്രിയിലേക്ക് മാറ്റി. പരുക്കുകള്‍ ഗുരുതരമല്ലെന്ന് റെയില്‍വെ വാര്‍ത്താകുറിപ്പില്‍ അറിയിച്ചു.