കൊച്ചി:പി.ജെ ആന്റണി മെമ്മോറിയല്‍ ഫൗണ്ടേഷന്‍ ജില്ലയിലെ വിവിധ സാംസ്‌കാരിക സ്ഥാപനങ്ങളും വായനശാലകളുമായി ചേര്‍ന്ന് സംഘടിപ്പിക്കുന്ന തെരുവുനാടകോത്സവം ''തെരുവരങ്ങ് 2017'' മാര്‍ച്ച് 1,2,3,4 തീയതികളിലായി നടക്കും. ജില്ലയിലെ 4 വേദികളിലായി 48 അവതരണങ്ങളുണ്ടാകും. മാര്‍ച്ച് ഒന്നിന് വൈകിട്ട് 5.30ന് പ്രമുഖ നാടക പ്രവര്‍ത്തകന്‍ പ്രൊബീര്‍ ഗുഹ, മുന്‍ എം.പി പി. രാജീവ്, കേരള സംഗീതനാടക അക്കാദമി വൈസ് ചെയര്‍മാന്‍ സേവ്യര്‍ പുല്‍പ്പാട്, അഭിനേത്രി സജിതാമഠത്തില്‍ എന്നിവര്‍ വിവിധ കേന്ദ്രങ്ങളില്‍ നാടകോത്സവം ഉദ്ഘാടനം ചെയ്യും. വാര്‍ത്താസമ്മേളനത്തില്‍ ഫെസ്റ്റിവല്‍ ഡയറക്ടര്‍ പ്രൊഫ. എ.എ ചന്ദ്രദാസന്‍, പി.ജെ ആന്റണി മെമ്മോറിയല്‍ ഫൗണ്ടേഷന്‍ പ്രസിഡന്റ് എ.ആര്‍ രതീശന്‍, ഫെസ്റ്റിവല്‍ കോ-ഓര്‍ഡിനേറ്റര്‍ എം.ബൈജു, എം.കൃഷ്ണദാസ് എന്നിവര്‍ പങ്കെടുത്തു.