കായംകുളം: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ നടക്കുന്ന സംസ്ഥാന ഇസ്‌ലാമിക കലാമേളയുടെമുന്നോടിയായി കായംകുളം റെയിഞ്ച് ഇസ്ലാമിക് ഫെസ്റ്റ് ഞായറാഴ്ച പുത്തന്‍ തെരുവ് ഖാദിരിയ്യ മദ്‌റസ അങ്കണത്തില്‍ നടക്കും.രാവിലെ എട്ടിന് റെയ്ഞ്ച് പ്രസിഡന്റ് എം അബ്ദുല്‍ ഖാദിര്‍ ദാരിമി പതാക ഉയര്‍ത്തും.
പുത്തന്‍ തെരുവ് മുസ് ലിം ജമാഅത്ത് സെക്രട്ടറി ലിയാക്കത്ത് പറമ്പി കലാമേള ഉദ്ഘാടനം ചെയ്യും.റെയിഞ്ചിലെ 34 മദ്‌റസകളില്‍ നിന്നുള്ള 500 ല്‍ പരം വിദ്യാത്ഥികള്‍കലാമല്‍സരത്തില്‍ പങ്കെടുക്കും. വൈകിട്ട് ആറിന് നടക്കുന്ന സമാപന സമ്മേളനം പുത്തന്‍ തെരുവ് മുസ്‌ലിം ജമാഅത്ത് പ്രസിഡന്റ് ഷെയ്ക്ക് പി.ഹാരിസ് ഉല്‍ഘാടനം ചെയ്യും.
സ്വാഗതസംഘം ചെയര്‍മാന്‍ ഷംസുദ്ദീന്‍ മുസ്ലിയാര്‍ അദ്ധ്യക്ഷത വഹിക്കും സമസ്തമുഫത്തിശ് എന്‍.കെ മുഹമ്മദ് ഫൈസി ട്രോഫി വിതരണവും, അയ്യൂബ് ഖാന്‍ മന്നാനി അവാര്‍ഡ് ദാനവും, അബ്ദുല്‍ ഖാദിര്‍ ദാരിമി സമ്മാനദാനവും നിര്‍വ്വഹിക്കുമെന്നും സെക്രട്ടറി എം. ഹാമിദ് മാസ്റ്ററും മാനേജ്‌മെന്റ് അസോസിയേഷന്‍ പ്രസിഡന്റ് എ.എ.വാഹിദും അറിയിച്ചു.