കൊട്ടാരക്കര: പുത്തൂരില്‍ അപ് ഹോള്‍ സ്റ്ററി കടയ്ക്ക് തീ പിടിച്ചു. ലക്ഷങ്ങളുടെ സാധന സാമഗ്രികള്‍ കത്തി നശിച്ചു. കഴിഞ്ഞ ദിവസം രാത്രി പത്തോടെയായിരുന്നു സംഭവം. ചെറുപൊയ്ക സുകന്യ ഭവനില്‍ സുനില്‍ കുമാറിന്റെ ഉടമസ്ഥതയിലുള്ള ആലയ്ക്കല്‍ ജങ്ഷന് സമീപത്തെ കടയിലാണ് തീപ്പിടിച്ചത്.
രണ്ട് കടമുറികളിലായിട്ടാണ് തീ പടര്‍ന്നത്. ഇരു മുറികളിലും ഉള്ള സാധന സാമഗ്രികള്‍ പൂര്‍ണ്ണമായും കത്തി നശിച്ചു. 15 ലക്ഷം രൂപയുടെ നഷ്ടം കണക്കാക്കുന്നു. കൊട്ടാരക്കര നിന്നും ഫയര്‍ ഫോഴ്‌സും പുത്തൂര്‍ പൊലിസും ചേര്‍ന്ന് നാട്ടുകാരുടെ സഹായത്തോടെയാണ് തീ കെടുത്തിയത്. രണ്ട് കടമുറികളിലും സമാന രീതിയില്‍ തീ പടര്‍ന്നതില്‍ ദുരൂഹതയുണ്ടെന്നും ഒരു കടയില്‍ നിന്നും മറ്റേ കടയിലേക്ക് തീ പടരാനുള്ള സാധ്യതയില്ലെന്നും പൊലിസ് പറഞ്ഞു. പുത്തൂര്‍ പൊലിസ് കേസെടുത്ത് അന്വേഷണം തുടങ്ങി.