തിരുവനന്തപുരം: അന്തരിച്ച മാധ്യമപ്രവര്‍ത്തകന്‍ ടി.എന്‍. ഗോപകുമാര്‍ അനുസ്മരണം തിരുവനന്തപുരം പ്രസ്‌ക്ലബില്‍ നടന്നു. ടി.എന്‍ജിയുടെ നാമധേയത്തിലുള്ള ഫോര്‍ത്ത് എസ്റ്റേറ്റ് ഹാള്‍ സമര്‍പ്പണവും ഇതോടൊപ്പം നടന്നു. മുതിര്‍ന്ന മാധ്യമ പ്രവര്‍ത്തകന്‍ ശശികുമാര്‍ ഉദ്ഘാടനം ചെയ്തു. സ്വന്തം ദുഃഖങ്ങളേക്കാള്‍ മറ്റുള്ളവരുടെ സങ്കടം തീര്‍ക്കാന്‍ വെമ്പുകയും അതിനായി പ്രയത്‌നിക്കുകയും ചെയ്ത വ്യക്തിയായിരുന്നു ടി.എന്‍. ഗോപകുമാറെന്ന് അദ്ദേഹം പറഞ്ഞു. പ്രസ് ക്ലബ് പ്രസിഡന്റ് പ്രദീപ് പിള്ള അധ്യക്ഷനായി. ഏഷ്യാനെറ്റ് ന്യൂസ് ഡയരക്ടര്‍ ഫ്രാങ്ക് പി. തോമസ്, എഡിറ്റര്‍ എം.ജി. രാധാകൃഷ്ണന്‍ എന്നിവര്‍ പ്രസംഗിച്ചു. ചടങ്ങിനു മുന്നോടിയായി ടി.എന്‍. ഗോപകുമാറിനെപ്പറ്റിയുള്ള ഡോക്യുമെന്ററി പ്രദര്‍ശനവും ഉണ്ടായിരുന്നു.