തൃശൂര്‍: മാസങ്ങള്‍നീണ്ട വിദ്യാര്‍ഥി സമരത്തിനുശേഷം പഠനം ആരംഭിച്ച പാമ്പാടി നെഹ്‌റു എന്‍ജിനീയറിങ് കോളജില്‍ അധ്യാപകരുടെ സമരം ആരംഭിച്ചു. ശനിയാഴ്ച ഉച്ചയോടെയാണ് മുപ്പതോളം വരുന്ന അധ്യാപകര്‍ പണിമുടക്കിയത്. വിദ്യാര്‍ഥികള്‍ മര്‍ദിക്കുകയും, ഭീഷണിപ്പെടുത്തുകയും ചെയ്തുവെന്നാരോപിച്ചാണ് അധ്യാപകസമരം.
എന്നാല്‍ മാനേജ്‌മെന്റിന്റെ സമ്മര്‍ദത്തെ തുടര്‍ന്നാണ് അധ്യാപകര്‍ പണിമുടക്കുന്നതെന്ന് വിദ്യാര്‍ഥികള്‍ പറഞ്ഞു. അധ്യാപകരെ കരുവാക്കി പകപോക്കല്‍ നടത്താനാണ് മാനേജ്‌മെന്റ് ശ്രമിക്കുന്നതെന്നും വിദ്യാര്‍ഥികള്‍ ആരോപിച്ചു. അധ്യാപകര്‍ നടത്തുന്ന സമരം കുറ്റക്കാരെ സംരക്ഷിക്കുന്നതിന് വേണ്ടിയാണെന്ന് വിദ്യാര്‍ഥി പ്രതിനിധികള്‍ പറഞ്ഞു.