ചെസാപീക്ക് സിറ്റി: ജര്‍മന്‍ ഏകാധിപതി അഡോള്‍ഫ് ഹിറ്റ്‌ലറുടെ ഫോണ്‍ ലേലത്തിന്. രണ്ടാം ലോക മഹായുദ്ധകാലത്ത് ഹിറ്റ്‌ലര്‍ വിനാശകരമായ സന്ദേശങ്ങള്‍ നല്‍കിയ ടെലിഫോണ്‍ ആണ് ഇത്. യുഎസിലെ അലക്‌സാന്‍ഡര്‍ ഹൗസിലാണ് ലേലം. ഒരു ലക്ഷം ഡോളറാണ് അടിസ്ഥാന ലേലതുക.
ഫോണിനു മുകളില്‍ നാസി പാര്‍ട്ടിയുടെ ചിഹ്നവും ഹിറ്റ്‌ലറുടെ പേരും ആലേഖനം ചെയ്തിട്ടുണ്ട്. ചരിത്ര രേഖകള്‍ പ്രകാരം രണ്ടാം ലോക മഹായുദ്ധകാലത്തെ അവസാന രണ്ടു വര്‍ഷങ്ങളില്‍ ഹിറ്റ്‌ലര്‍ ഏറ്റവും കൂടുതല്‍ ഉപയോഗിച്ചിരുന്നത് ഈ ഫോണാണ്. ഹിറ്റ്‌ലറുടെ വിനാശകാരിയായ ആയുധം റഷ്യന്‍ ഉദ്യോഗസ്ഥര്‍ ബ്രിട്ടീഷ് ബ്രിഗേഡിയര്‍ റാല്‍ഫ് റെയ്‌നര്‍ക്ക് സമ്മാനമായി നല്‍കുകയായിരുന്നു.