മാഡ്രിഡ്: സ്‌പെയിനിന്റെ റയല്‍ മാഡ്രിഡ് താരം ഡാനി കാര്‍വാജല്‍ യൂറോ കപ്പില്‍ കളിക്കില്ല. കാലിനേറ്റ പരുക്കിനെ തുടര്‍ന്നാണ് കാര്‍വജാലിന്റെ പിന്‍മാറ്റം. അത്‌ലറ്റിക്കോ മാഡ്രിഡിനെതിരായ യുവേഫ ചാംപ്യന്‍സ് ലീഗ് ഫൈനലില്‍ താരത്തിന്റെ പരുക്ക് രൂക്ഷമായിരുന്നു. മത്സരത്തിനിടെ കാര്‍വാജലിനു കളം വിടേണ്ടി വന്നിരുന്നു.
പരിശോധനയില്‍ താരത്തിന്റെ പരുക്ക് സാരമുള്ളതാണെന്ന് കണ്ടെത്തിയെന്നും ഭേദമാവാന്‍ സമയെടുക്കുമെന്ന് റയല്‍ മാഡ്രിഡ് പ്രസ്താവനയില്‍ വ്യക്തമാക്കി. കാര്‍വാജലിന്റെ അഭാവം യൂറോ കിരീടം നിലനിര്‍ത്താന്‍ ഒരുങ്ങുന്ന സ്പാനിഷ് ടീമിന് കനത്ത തിരിച്ചടിയാണ്.