ന്യൂഡല്‍ഹി: റിലയന്‍സിന്റെ ജിയോ മൊബൈല്‍ സര്‍വീസിന് തിരിച്ചടിയായി ട്രായിയുടെ പുതിയ റിപ്പോര്‍ട്ട്. ട്രായിയുടെ ഫോര്‍ ജി ഡൗണ്‍ലോഡിങ്ങ് സ്പീഡില്‍ ജനുവരിയില്‍ വലിയതോതിലുള്ള കുറവുണ്ടെന്നാണ് റിപ്പോര്‍ട്ടിലുള്ളത്. ട്രായിയുടെ റിപ്പോര്‍ട്ട് പ്രകാരം ഇന്ത്യയില്‍ ഏറ്റവും വേഗതയുള്ള നെറ്റ്‌വര്‍ക്ക് എയര്‍ടെല്ലിനാണ്. 11 എം.ബി.പി.എസാണ് എയര്‍ടെല്ലിന്റെ ശരാശരി ഡൗണ്‍ലോഡിങ് വേഗത. എന്നാല്‍ ജിയോക്ക് 8.456 എം.ബി.പി.എസ് വേഗത മാത്രമാണ് ഉള്ളതെന്നും റിപ്പോര്‍ട്ടില്‍ പറയുന്നു.
എയര്‍ടെല്ലിന്റെ ശരാശരി വേഗത കഴിഞ്ഞ മാസത്തേക്കാള്‍ ഉയര്‍ന്നതായും റിപ്പോര്‍ട്ടില്‍ പറയുന്നു. ജിയോയുടെ വേഗതയില്‍ വലിയ കുറവ് രേഖപ്പെടുത്തുകയും ചെയ്തു. ഡിസംബറില്‍ ജിയോക്ക് 18 എം.ബി.പി.എസ് വേഗതയാണ് ഉണ്ടായിരുന്നത്.