കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഈ വര്‍ഷത്തെ ഹജ്ജ് തീര്‍ഥാടനവുമായി ബന്ധപ്പെട്ട് സേവനം ചെയ്യാന്‍ താല്‍പര്യമുള്ള ട്രെയിനര്‍മാരില്‍ നിന്ന് അപേക്ഷ ക്ഷണിച്ചു. അപേക്ഷകര്‍ ഹജ്ജ് ചെയ്തവരും ഇംഗ്ലീഷ്, ഉറുദു, ഹിന്ദി, പ്രാദേശിക ഭാഷകളില്‍ പ്രാവീണ്യമുള്ളവരും ആയിരിക്കണം.
താല്‍പര്യമുള്ളവര്‍ ഓണ്‍ലൈനായി 15നുള്ളില്‍ അപേക്ഷ നല്‍കണം. കൂടുതല്‍ വിവരങ്ങള്‍ ഹജ്ജ് കമ്മിറ്റി വെബ് സൈറ്റില്‍ ലഭ്യമാണ്. അപേക്ഷ ഓണ്‍ലൈനായി സമര്‍പ്പിച്ച ശേഷം സംസ്ഥാന ഹജ്ജ് കമ്മിറ്റി ഓഫിസില്‍ രേഖകളുടെ കോപ്പികള്‍ സഹിതം ഹാജരാക്കണം.