കോഴിക്കോട്: സമസ്ത കേരള ജംഇയ്യത്തുല്‍ ഖുത്വബാ സംസ്ഥാന കമ്മിറ്റി 'നേര്‍വഴിയുടെ താവഴി' എന്ന പ്രമേയത്തില്‍ നടത്തുന്ന കേരള ഖുത്വബാ സമ്മിറ്റിന് അന്തിമരൂപമായി. സമസ്ത 100-ാം വാര്‍ഷികത്തിന്റെ ഭാഗമായി നടത്തുന്ന ആദര്‍ശ കാംപയിനോടനുബന്ധിച്ചാണ് ഖുത്വബാ സമ്മിറ്റ്. സംസ്ഥാനത്ത് മെംബര്‍ഷിപ്പ് സ്വീകരിച്ച ഖത്വീബുമാരാണ് സമ്മിറ്റില്‍ പങ്കെടുക്കുക. 20ന് കോഴിക്കോട് എലത്തൂര്‍ എം.ഐ.എച്ച്.എസ് ഓഡിറ്റോറിയത്തിലാണ് പരിപാടി.
രാവിലെ ഒന്‍പതിന് സംസ്ഥാന പ്രസിഡന്റ് കൊയ്യോട് ഉമര്‍ മുസ്‌ലിയാരുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
ഡോ. ബഹാഉദ്ദീന്‍ മുഹമ്മദ് നദ്‌വി, എ.വി അബ്ദുറഹിമാന്‍ മുസ്‌ലിയാര്‍, സത്താര്‍ പന്തല്ലൂര്‍ പ്രസംഗിക്കും.
ഓണംപിള്ളി മുഹമ്മദ് ഫൈസി ( സമുദ്ധാരണത്തിന്റെ ഉലമാ ആക്ടിവിസം), മുഹമ്മദ് നിസാം പാവറട്ടി (പെരുമാറ്റത്തിന്റെ രീതിശാസ്ത്രം), സി. ഹംസ (ആത്മീയ നവോത്ഥാനത്തിന്റെ ആചാര പരിസരം), അബ്ദുസ്സലാം ഫൈസി ഒളവട്ടൂര്‍ (തസ്‌കിയത്തിന്റെ ആത്മവിചാരം), ഉമര്‍ ഫൈസി മുക്കം (ലൈറ്റ് ഓഫ് മദീന), റഹ്മത്തുല്ലാ ഖാസിമി മൂത്തേടം (മിഹ്‌റാബിന്റെ സന്ദേശം) എന്നിവര്‍ വിഷയങ്ങള്‍ അവതരിപ്പിക്കും.
ആദര്‍ശ കാംപയിനിന്റെ ഭാഗമായി സംസ്ഥാനത്തു നടത്തുന്ന 1000 ആദര്‍ശ പ്രഭാഷങ്ങളുടെ പ്രൊജക്ട് ജനറല്‍ സെക്രട്ടറി നാസര്‍ ഫൈസി കൂടത്തായി അവതരിപ്പിക്കും. സെക്രട്ടേറിയറ്റ് യോഗത്തില്‍ കൊയ്യോട് ഉമര്‍ മുസ്‌ലിയാര്‍ അധ്യക്ഷനായി.
നാസര്‍ ഫൈസി കൂടത്തായി, സുലൈമാന്‍ ദാരിമി ഏലംകുളം, ഹംസ റഹ്മാനി കൊണ്ടിപറമ്പ്, ഇമ്പിച്ചിക്കോയ തങ്ങള്‍ പാലക്കാട്, ചുഴലി മുഹിയുദ്ദീന്‍ മുസ്‌ലിയാര്‍ കാസര്‍കോട്, ഹദിയത്തുല്ലാ തങ്ങള്‍ ആലപ്പുഴ, ടി.വി.സി അബ്ദുസ്സമദ് ഫൈസി, മുഹമ്മദ് സ്വാലിഹ് അന്‍വരി ചേകന്നൂര്‍, പി.എ മുഹമ്മദ് അനസ് ബാഖവി എറണാകുളം, മുജീബ് ഫൈസി വയനാട്, ശാജഹാന്‍ കാശിഫി കൊല്ലം, യൂസുഫ് ഫൈസി തിരുവനന്തപുരം പ്രസംഗിച്ചു.