ദമാം : ഈ വര്‍ഷത്തെ റംസാന്‍ വൃതാനുഷ്ടാനം സഊദിയില്‍ കടുത്തതാകും .ഏറെ ദൈര്‍ഘ്യ മേറിയതും കടുത്ത ചൂടിലുമായിരിക്കും ഇത്തവണ റംസാന്‍ സീസണ്‍ .രാജ്യത്ത് ഏറ്റവും കൂടിയ പകല്‍ അനുഭവപ്പെടുക 15 മണിക്കൂറും 30 മിനുട്ടുമായിരിക്കും .വടക്ക് പടിഞ്ഞാറന്‍ പ്രവിശ്യകളില്‍ റംസാനില്‍ ഏറിയ ദിവസവും 15 മണിക്കൂറില്‍ അധികമായിരിക്കും .തബൂക്കിലും ഹഖ്ല്‍ പട്ടണത്തിലുമായിരിക്കും ഏറ്റവും ദൈര്‍ഘ്യമേറിയ പകല്‍ അനുഭവപ്പെടുക .15 മണിക്കൂറും 30 മിനുട്ടുമാണ് ഇവിടുത്തെ പകല്‍ ദൈര്‍ഘ്യമെന്ന് അറബ് യൂണിയന്‍ ഗോള ശാസ്ത്ര ,ശൂന്യാകാശ സയന്‍സ് ഗവേഷകന്‍ ഖാലിദ് അല്‍ സാഖ് പറഞ്ഞു .

പതിനഞ്ചു മണിക്കൂറില്‍ അധികം പകല്‍ ഉണ്ടാകുന്നതിനു പുറമേ കനത്ത ചൂടുമായിരിക്കും ഈ സമയത്ത് രാജ്യത്തിന്റെ വിവിധ ഭാഗങ്ങളില്‍ അനുഭവപ്പെടുക . അല്‍ ഖര്‍ജ് , അല്‍ അഹ് സ ,തലസ്ഥാന നഗരിയായ റിയാദ് ,മദീന ,ഖസ്സീം തുടങ്ങിയ സ്ഥലങ്ങളില്‍ അസഹ്യമായ ചൂടായിരിക്കും ഉണ്ടാവുക.ഏകദേശം 45-50 ഡിഗ്രീ സെല്‍ഷ്യസിനിടക്കുള്ള കടുത്ത ചൂടായിരിക്കുംഅനുഭവപ്പെടുക . അതെ സമയം ഈ വര്‍ഷത്തെ ഹജ്ജ് സീസണില്‍ മിതത്വമുള്ള കാലാവസ്ഥയായിരിക്കും അനുഭവപ്പെടുകയെന്നും ഖാലിദ് അല്‍ സാഖ് വ്യക്തമാക്കി .