കല്‍പ്പറ്റ: അരിയില്‍ ശുക്കൂര്‍ ദിനമായ ഫെബ്രുവരി 20ന് 'ശുക്കൂര്‍ ഒരു ദിനമല്ല, നിതാന്ത ജാഗ്രതയാണ് 'എന്ന പ്രമേയത്തില്‍ രാഷ്ട്രീയ ഫാസിസത്തിനും ചുവപ്പിന്റെ ഭീകരതക്കെതിരേയും എം.എസ്.എഫ് ജില്ലാ കമ്മിറ്റി സംഘടിപ്പിക്കുന്ന ജാഗ്രതാ സംഗമം നാളെ പനമരത്ത് നടക്കും. വൈകിട്ട് 3.30ന് ബസ് സ്റ്റാന്‍ഡ് പരിസരത്ത് സി. മമ്മൂട്ടി എം.എല്‍.എ സംഗമം ഉദ്ഘാടനം ചെയ്യും. രാഷ്ട്രീയ സാമൂഹിക രംഗത്തെ പ്രമുഖര്‍ പരിപാടിയില്‍ സംബന്ധിക്കുമെന്ന് എം.എസ്.എഫ് ജില്ലാ പ്രസിഡന്റ് ലുഖ്മാനുല്‍ ഹക്കീം വി.പി.സി ജന. സെക്രട്ടറി റിയാസ് കല്ലുവയല്‍ അറിയിച്ചു.