ആലപ്പുഴ: കേന്ദ്ര ഗ്രാമ വികസന മന്ത്രാലയത്തിന്റെ കീഴില്‍ കുടുംബശ്രീ നടപ്പാക്കി വരുന്ന തൊഴിലധിഷ്ഠിത കോഴ്‌സുകളിലേക്കുള്ള മൊബിലൈസേഷന്‍ ക്യാംപ് 20ന് കഞ്ഞിക്കുഴി ബ്ലോക്ക് ഓഫീസ് ഹാളില്‍ നടക്കും. 18നും 35 വയസിനും ഇടയില്‍ പ്രായമുള്ള ഗ്രാമ പ്രദേശങ്ങളിലെ യുവതികള്‍ക്ക് പങ്കെടുക്കാം. ഐ.ടി.ഇ.എസ്, കസ്റ്റമര്‍ റിലേഷന്‍ ആന്റ് ബിസിനസ്സ് ബാങ്കിങ് എന്നിവയാണ് കോഴ്‌സുകള്‍. എസ്.എസ്.എല്‍.സി, പ്ലസ്ടൂ, ബിരുദം ആണ് യോഗ്യത. മൂന്നു മാസമാണ് കോഴ്‌സിന്റെ കാലാവധി. തിരുവനന്തപുരത്തെ അവോണ്‍-ഡി.ഡി.യു-ജി.കെ.വൈ സെന്ററിലാണ് കോഴ്‌സുകള്‍ നടക്കുന്നത്. പഠന കാലയളവില്‍ സൗജന്യ ഭക്ഷണം, താമസം, യൂണീഫോം, പഠന സൗകര്യങ്ങള്‍ എന്നിവ ലഭ്യമാണ്. പരിശീലനം പൂര്‍ത്തിയാക്കിവര്‍ക്ക് ജോലിയും ഉറപ്പ് നല്‍കുന്നു. താല്‍പര്യമുള്ളവര്‍ 20ന് 10ന് കഞ്ഞിക്കുഴി ബ്ലോക്ക് ഓഫീസില്‍ എത്തണം.