ആലപ്പുഴ: ഗുണനിലവാരമുളള മത്സ്യ- ചെമ്മീന്‍ കുഞ്ഞുങ്ങളെ പൊതു ജലാശയങ്ങളില്‍ നിക്ഷേപിച്ച് മത്സ്യ ഉല്‍പാദനത്തില്‍ വര്‍ദ്ധന ഉണ്ടാക്കുന്നതിന് ഫിഷറീസ് വകുപ്പ് നടപ്പിലാക്കുന്ന ഓപ്പണ്‍ വാട്ടര്‍ റാഞ്ചിംഗ് പദ്ധതി പ്രകാരം തൃക്കുന്നപ്പുഴ പഞ്ചായത്തിലെ ദേശീയജലപാതയില്‍ ഉള്‍പ്പെടുന്ന തൃക്കുന്നപ്പുഴ ജെട്ടി കടവില്‍ ഹരിപ്പാട് ബ്ലോക്ക് പഞ്ചായത്ത് പ്രസിഡന്റ് ബിജു കൊല്ലശ്ശേരില്‍ കരിമീന്‍ കുഞ്ഞുങ്ങളെ നിക്ഷേപിച്ച് ഉദ്ഘാടനം നിര്‍വ്വഹിച്ചു.
മത്സ്യഫെഡ് ഹാച്ചറി യില്‍ നിന്നൂം ശേഖരിച്ച മത്സ്യ വിത്താണ് പദ്ധതി പ്രകാരം വേമ്പനാട് കായലില്‍ നിക്ഷേപിച്ചത്. തൃക്കുന്നപ്പുഴ പഞ്ചായത്ത് പ്രസിഡന്റ് ബി. അമ്മിണി, വൈസ് പ്രസിഡന്റ് ഒ. ഹാരിസ്, ഗ്രാമപഞ്ചായത്ത് അംഗങ്ങളായ എസ്.ഷീജ, സിന്ധു ശശി, ആലപ്പുഴ ഫിഷറീസ് ഡെപ്യൂട്ടി ഡയറക്ടര്‍ എം.എസ് സാജു, ഫിഷറീസ് ഉദ്യാഗസ്ഥര്‍, മത്സ്യകര്‍ഷകര്‍, മത്സ്യത്തൊഴിലാളികള്‍ അക്വാകള്‍ച്ചര്‍ കോ-ഓര്‍ഡിനേറ്റര്‍ എന്നിവര്‍ പങ്കെടുത്തു.