കോട്ടക്കല്‍: കോട്ടക്കല്‍ പാലത്തറയില്‍ ബസ്സും ബൈക്കും കൂട്ടിയിടിച്ചുണ്ടായ അപകടത്തില്‍ രണ്ട് പേര്‍ക്ക് ഗുരുതര പരുക്ക്. ഇന്ന് ഉച്ചയ്ക്കായിരുന്നു അപകടം. സ്വകാര്യ ബസ് എതിരെ വന്ന ബൈക്കിനെ ഇടിച്ചുതെറിപ്പിക്കുകയായിരുന്നു. അപകടത്തെ തുടര്‍ന്ന് മണിക്കൂറുകളോളം നാട്ടുകാര്‍ റോഡ് ഉപരോധിച്ചു. അപകടത്തില്‍ പെട്ട ബസിന്റേയും റോഡ് ഉപരോധിക്കുന്നതിന്റെയും ചിത്രം പകര്‍ത്താന്‍ ശ്രമിച്ചതിന് മാതൃഭൂമി ഓഫീസിനു നേരെ ആക്രമണമുണ്ടായി. പിന്നീട് പൊലിസെത്തിയാണ് രംഗം ശാന്തമാക്കിയത്.

ബസ്സുകളുടെ അമിതവേഗതയാണ് അപകടത്തിന് കാരണമെന്ന് ആരോപിച്ചു നാട്ടുകാര്‍ റോഡ് ഉപരോധിക്കുകയും സ്ഥലത്ത് സംഘര്‍ഷാവസ്ഥയുണ്ടാക്കുകയും ചെയ്തു. പ്രതിഷേധിച്ച നാട്ടുകാരെ പിരിച്ചുവിടാന്‍ പൊലിസ് ലാത്തി വീശി. ഇതില്‍ ഒരാള്‍ക്കു പരുക്കേറ്റതോടെ നാട്ടുകാര്‍ ബസ് അടിച്ചു തകര്‍ത്തു.