പയ്യന്നൂര്‍: കേരള സീനിയര്‍ സിറ്റിസണ്‍സ് ഫോറം ജില്ലാ സമ്മേളനം നാളെയും മറ്റന്നാളുമായി പയ്യന്നൂര്‍ ഗാന്ധിപാര്‍ക്ക്, പിലാത്തറ സംഗം ഓഡിറ്റോറിയം എന്നിവിടങ്ങളിലായി നടക്കും. നാളെ ഉച്ചതിരിഞ്ഞ് മൂന്നിന് പുതിയ സ്റ്റാന്റ് കേന്ദ്രീകരിച്ച് വിളംബര ഘോഷയാത്ര. തുടര്‍ന്ന് ഗാന്ധി പാര്‍ക്കില്‍ പൊതുസമ്മേളനം മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. സി കൃഷ്ണന്‍ എം.എല്‍.എ അധ്യക്ഷനാകും. 21ന് രാവിലെ പിലാത്തറ സംഗം ഓഡിറ്റോറിയത്തില്‍ പ്രതിനിധി സമ്മേളനം സംസ്ഥാന ജനറല്‍ സെക്രട്ടറി പി കുമാരന്‍ ഉദ്ഘാടനം ചെയ്യും.
സമ്മേളനത്തിന്റെ ഭാഗമായി പിലാത്തറ ഹോപ്പ് അന്തേവാസികള്‍ക്ക് ഉച്ചഭക്ഷണം നല്‍കും. വാര്‍ത്താസമ്മേളനത്തില്‍ ടി.വി കമലാക്ഷന്‍, ടി.വി.ജി മാരാര്‍, കെ മോഹന്‍രാംദാസ്, എം.കെ ശ്രീധരന്‍ നമ്പ്യാര്‍, എ.കെ രാജഗോപാലന്‍ പങ്കെടുത്തു.