കൊല്ലം: കൊല്ലം ജില്ലയില്‍ ബി.ജെ.പി ആഹ്വാനം ചെയ്ത ഹര്‍ത്താലില്‍ സംഘര്‍ഷം. കൊട്ടാരക്കരയില്‍ ബൈക്കിലെത്തിയ പത്തംഗസംഘം രണ്ട് കെ.എസ്.ആര്‍.ടി.സി ബസുകളും ഒരു കാറും എറിഞ്ഞു തകര്‍ത്തു. ചുടുകട്ടയുമായി എത്തിയാണ് സംഘം അക്രമണം നടത്തിയത്. ഒരു കടയും അടിച്ചു തകര്‍ത്തിട്ടുണ്ട്. കൊട്ടാരക്കര മുനിസിപ്പാലിറ്റിയിലെ മുസ്ലിം സ്ട്രീറ്റിന് സമീപമാണ് സംഭവം. സ്ഥലത്ത് പൊലിസ് സുരക്ഷ ഏര്‍പെടുത്തി.
ഈ മാസം രണ്ടിന് കടക്കലിലുണ്ടായ ബി.ജെ.പി- സി.പി.എം സംഘര്‍ഷത്തില്‍ പരുക്കേറ്റ ബി.ജെ.പി പ്രവര്‍ത്തകന്‍ ഇന്നലെ ആശുപത്രിയില്‍ മരിച്ചിരുന്നു. ഇതേ തുടര്‍ന്നാണ് ഹര്‍ത്താല്‍ പ്രഖ്യാപിച്ചത്.