കൊഹിമ: നാഗാലാന്‍ഡില്‍ അടിതെറ്റുമെന്ന് കണ്ടതോടെ വോട്ടര്‍മാരെ സ്വാധീനിക്കാന്‍ ബി.ജെ.പിയുടെ പുതിയ തന്ത്രം. പാര്‍ട്ടി ജയിച്ചാല്‍ സംസ്ഥാനത്തെ ക്രിസ്ത്യാനികളായ മുതിര്‍ന്ന പൗരന്മാര്‍ക്ക് ജറൂസലമിലേക്ക് സൗജന്യ യാത്ര ഒരുക്കുമെന്നാണ് ബി.ജെ.പിയുടെ വാഗ്ദാനം. 88 ശതമാനത്തോളം ക്രിസ്ത്യാനികളുള്ള സംസ്ഥാനത്ത് ഇത്തരമൊരു വാഗ്ദാനം ചെയ്ത് അധികാരത്തിലേറിയാല്‍ എങ്ങനെ ജറൂസലമില്‍ എത്തിക്കുമെന്ന പ്രശ്‌നമൊന്നും തല്‍ക്കാലം പാര്‍ട്ടി നേതാക്കള്‍ ആലോചിച്ചിട്ടില്ല. ഇന്നലെ നാഗാലാന്‍ഡിലെ ബി.ജെ.പി വക്താവ് ജെയിംസ് വിസോയാണ് ഈ വാഗ്ദാനം മുന്നോട്ടുവച്ചത്.