മാള: നിര്‍ദ്ധന കുടുംബത്തിന് വീട് നിര്‍മിക്കാന്‍ സൗജന്യമായി സ്ഥലം നല്‍കി മേലഡൂര്‍ ചക്കാലയ്ക്കല്‍ ഷീല വര്‍ഗീസ് മാതൃകയായി. വിളക്കലപ്പാടം ബിജുവിനാണ് വീടുവക്കുന്നതിനായി രണ്ടര സെന്റ് സ്ഥലം സൗജന്യമായി നല്‍കിയത്.
ഇതോടെ ഭവനിര്‍മാണ പദ്ധതിയില്‍ ഉള്‍പ്പെടുത്തി വീടുനിര്‍മിക്കുന്നതിന് വഴിയുമൊരുങ്ങി. സ്ഥലം ലഭിക്കുന്നതിനും തുടര്‍ന്ന് വീട് നിര്‍മിക്കുന്നതിനുമുള്ള സഹായങ്ങള്‍ ഗ്രാമപഞ്ചായത്തംഗം ശ്യാമള അയ്യപ്പനാണ് ചെയ്തു നല്‍കിയത്.
സ്ഥലമുടമ ഷീലവര്‍ഗീസ് ആധാരം ബിജുവിന് നല്‍കി.ടി.കെ സതീഷന്‍,ബേബി പൗലോസ്,ഷോണ്‍ വര്‍ഗീസ്, പി.ഒ പൗലോസ്,പി.കെ ജനാര്‍ദനന്‍,രാജു ടോമി എന്നിവര്‍ ചടങ്ങില്‍ പങ്കെടുത്തു.