കോവളം: വിഴിഞ്ഞത്ത് മതിയായ രേഖകളില്ലാതെ കൊണ്ടു പോകുകയായിരുന്ന 140 ചാക്ക് അരി കോവളം പൊലിസ് പിടിച്ചെടുത്തത്. ഇന്നലെ വൈകിട്ടോടെ വിഴിഞ്ഞം തിയറ്റര്‍ ജങ്ഷനില്‍ നടത്തിയ പരിശോധനയിലാണ് അരി പിടികൂടിയത്. തിരുവനന്തപുരത്തു നിന്നും പൂവാര്‍ ഭാഗത്തേക്ക് കൊണ്ടുപോവുകയായിരുന്നു. വിഴിഞ്ഞം സി.ഐ കെ.ആര്‍.ബിജുവിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ കോവളം എസ്.ഐ അജയകുമാറാണ് പരിശോധന നടത്തിയത്.
അരിയും ലോറിയും കോവളം സ്റ്റേഷനിലേക്ക് മാറ്റിയതായും പിടികൂടിയത് റേഷനരിയാണോ എന്ന് പരിശോധിക്കാനായി താലൂക്ക് സപ്ലൈ ഓഫിസറോട് ആവശ്യപ്പെട്ടിട്ടുണ്ടെന്നും പൊലിസ് പറഞ്ഞു.