തിരുവനന്തപുരം. ദേശീയസംസ്ഥാന പാതകളില്‍ നിന്നും അഞ്ഞൂറ് മീറ്റര്‍ ദൂരപരിധിയിലുള്ള മദ്യഷാപ്പുകള്‍ നീക്കം ചെയ്യണമെന്ന സുപ്രിം കോടതി വിധിക്കെതിരെയുള്ള സംസ്ഥാന സര്‍ക്കാരിന്റെ നീക്കം പുനഃപരിശോധിക്കണമെന്ന് കേരള നദ്‌വത്തുല്‍ മുജാഹിദീന്‍ സംസ്ഥാന വൈസ് പ്രസിഡണ്ട് ഡോ: ഹുസൈന്‍ മടവൂര്‍ ആവശ്യപ്പെട്ടു.കെ.എന്‍.എം.തിരുവനന്തപുരം ജില്ലാ പ്രവര്‍ത്തക സംഗമം ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ ചെയര്‍മാന്‍ നാസിറൂദീന്‍ ഫാറൂഖി അധ്യക്ഷനായി. വിവിധ സെഷനുകളില്‍ മുസ്തഫ തന്‍വീര്‍, പി കെ.സക്കരിയ്യ, ഇബ്രാഹിം മദനി, അല്‍അമീന്‍ ബീമാപള്ളി, ബാദുഷ ബാഖവി ,ഡോ.എം.സൈനുദ്ദീന്‍ തുടങ്ങിയവര്‍ പ്രസംഗിച്ചു.