ബംഗളൂരു: നഗരത്തില്‍ നിര്‍മാണത്തിലിരുന്ന അഞ്ചു നില കെട്ടിടം തകര്‍ന്നുവീണ് നാലുപേര്‍ മരിച്ചു. കെട്ടിടത്തിനകത്ത് ജോലി ചെയ്യുന്നവരായ തൊഴിലാളികളാണ് കൊല്ലപ്പെട്ടത്.
നിരവധിപേര്‍ അവശിഷ്ടങ്ങള്‍ക്കിടയില്‍ കുടുങ്ങി കിടക്കുന്നതായാണ് റിപ്പോര്‍ട്ട്. ഏഴുപേരെ ഇന്നലെ രാത്രിയോടെ രക്ഷപ്പെടുത്തി. രക്ഷാ പ്രവര്‍ത്തനം തുടരുകയാണ്.
കസവന ഹള്ളിയിലെ സര്‍ജാപൂരിലായിരുന്നു അപകടം. അഞ്ചുനില കെട്ടിടത്തിന് മൂന്ന് നിലക്ക് മാത്രമേ നിര്‍മാണാനുമതിയുള്ളൂ എന്നാണ് വിവരം.