ലണ്ടന്‍: കഴിഞ്ഞവര്‍ഷം നടന്ന 'നോട്ട്‌പെറ്റിയ'സൈബര്‍ ആക്രമണത്തിനുപിന്നില്‍ റഷ്യയെന്ന് യു.കെ വിദേശകാര്യമന്ത്രി താരിഖ് അഹമ്മദ്. 2017 ജൂണില്‍ ഉക്രൈനില്‍ ആരംഭിച്ച് ലോകവ്യാപമായി ബാധിച്ച സൈബര്‍ ആക്രമണത്തിനുപിന്നില്‍ റഷ്യന്‍ സൈന്യമാണെന്നാണ് ആരോപണം.
സൈബര്‍ ആക്രമണത്തെ തുടര്‍ന്ന് ആയിരക്കണക്കിന് കംപ്യൂട്ടറുകളാണ് പ്രവര്‍ത്തനരഹിതമായത്, മുംബൈ, ആസ്റ്റര്‍ഡാം തുറമുഖങ്ങള്‍, ചെര്‍ണോബിലെ പഴയ ആണവ പ്ലാന്റ് എന്നിവ സൈബര്‍ ആക്രമണത്തില്‍ പ്രവര്‍ത്തനരഹിതമായിരുന്നു. ഉക്രൈനെയായിരുന്നു സൈബര്‍ ആക്രമണം ഏറ്റവും കൂടുതല്‍ ബാധിച്ചത്. ബാങ്ക് ഇടപാടുകള്‍ ഉള്‍പ്പെടെയുള്ളവ പ്രവര്‍ത്തനരഹിതമായി.