ആലക്കോട്: ഇളംദേശം ബ്ലോക്ക് പഞ്ചായത്ത് വികസന പദ്ധതികളുടെ ഉദ്ഘാടനം പി.ജെ ജോസഫ് എം.എല്‍.എ ആലക്കോട്ട് ഉദ്ഘാടനം ചെയ്തു.
17.5 ലക്ഷം രൂപ അനുവദിച്ച് 22 അംഗപരിമിതര്‍ക്കു യാത്രാ ആവശ്യങ്ങള്‍ക്കായി മുച്ചക്രവാഹന പദ്ധതിയും 13 ലക്ഷം രൂപ അനുവദിച്ച് എസ്‌സി, എസ്.ടി യുവതീയുവാക്കള്‍ക്കായി കേന്ദ്ര - സംസ്ഥാന സായുധ സേനകളില്‍ ജോലി ലഭ്യമാക്കാന്‍ പ്രാപ്തമാക്കുന്ന പ്രീ-റിക്രൂട്‌മെന്റ് ട്രെയ്‌നിങ് പദ്ധതിയില്‍ സര്‍ട്ടിഫിക്കറ്റ് ഹോള്‍ഡേഴ്‌സായ 34 കുട്ടികളുടെ പാസിങ് ഔട്ടും 22 ലക്ഷം രൂപ അനുവദിച്ചു നിര്‍മിച്ച കലയന്താനി കര്‍ഷക ഓപ്പണ്‍മാര്‍ക്കറ്റ് മന്ദിരോദ്ഘാടനവുമാണു പി.ജെ ജോസഫ് നിര്‍വഹിച്ചത്.
ബ്ലോക്ക് പഞ്ചായത്തു പ്രസിഡന്റ് ബിന്ദു പ്രസന്നന്‍ അധ്യക്ഷയായിരുന്നു. ജില്ലാ പഞ്ചായത്ത് അംഗം സി.വി.സുനിത, കുടയത്തൂര്‍ പഞ്ചായത്തു പ്രസിഡന്റ് പുഷ്പ വിജയന്‍, ഉടുമ്പന്നൂര്‍ പഞ്ചായത്തു പ്രസിഡന്റ് ബിന്ദു സജീവ്, ബ്ലോക്ക് പഞ്ചായത്തു വൈസ് പ്രസിഡന്റ് എം.മോനിച്ചന്‍, ഗൗരി സുകുമാരന്‍, സാജു മാത്യു, ജിജി സുരേന്ദ്രന്‍, രാജീവ് ഭാസ്‌കരന്‍ വത്സമ്മ ഏബ്രഹാം, സുജ ഷാജി, പി.ഐ മാത്യു തുടങ്ങിയവര്‍ പ്രസംഗിച്ചു.