വഡോദര: ദേശീയ ജൂനിയര്‍ സ്‌കൂള്‍ മീറ്റില്‍ കേരളത്തിന് സ്വര്‍ണത്തുടക്കം. കേരളത്തിന്റെ സി ചാന്ദ്‌നി 3000 മീറ്ററില്‍ സ്വര്‍ണം നേടി. വഡോദരയിലെ മഞ്ജല്‍ പൂര്‍ സ്‌പോര്‍ട്‌സ് കോംപ്ലക്‌സിലെ അത്‌ലറ്റിക് ട്രാക്കിലായിരുന്നു മത്സരം.
800 മീറ്ററിലും ചാന്ദ്‌നി മത്സരിക്കുന്നുണ്ട്. സംസ്ഥാന മീറ്റില്‍ 800 മീറ്ററില്‍ 2.14.01 സെക്കന്‍ഡിലാണു ചാന്ദ്‌നി ഫിനിഷ് ചെയ്തത്. ഇതേ മികവ് നിലനിര്‍ത്താനായാല്‍ സ്വര്‍ണം നേടാം. പെണ്‍കുട്ടികളുടെ ഹൈ ജംപില്‍ എം ജിഷ്‌നയും ഗായത്രി ശിവകുമാറുമാണ് കേരളത്തിന്റെ മെഡല്‍ പ്രതീക്ഷകള്‍. പെണ്‍കുട്ടികളുടെ 100 മീറ്ററില്‍ മത്സരിക്കാനിറങ്ങുന്ന ടീം ക്യാപ്റ്റന്‍ അപര്‍ണ റോയിയും സോഫിയ സണ്ണിയും കേരളത്തിന്റെ മെഡല്‍ പ്രതീക്ഷകളാണ്.