കൊച്ചി: തട്ടിക്കൊണ്ടുപോകല്‍ ക്വട്ടേഷനാണെന്ന് നടി പൊലിസിനോട് പറഞ്ഞതായി റിപ്പോര്‍ട്ട്. വാഹനത്തില്‍ വെച്ചാണ് ഇക്കാര്യം തന്നോട് പറഞ്ഞതെന്നും സഹകരിച്ചില്ലെങ്കില്‍ തമ്മനത്തെ ഫഌറ്റില്‍ കൊണ്ടുപോയി ഉപദ്രവിക്കുമെന്ന് പറഞ്ഞതായുമാണ് മൊഴി.
പള്‍സര്‍ സുനിക്കായി അന്വേഷണം പൊലിസ് ഊര്‍ജ്ജിതമാക്കിയിട്ടുണ്ട്. ക്വട്ടേഷനാണെന്ന് സുനി പറഞ്ഞത് സത്യമാണോ എന്നും പൊലിസ് അന്വേഷിക്കുന്നു. കഴിഞ്ഞ ദിവസം പിടിയിലായ പ്രതികള്‍ക്ക് ഇതേക്കുറിച്ച് അറിയില്ലെന്നാണ് പറയുന്നത്. അവരെ സഹായത്തിന് വിളിച്ചതാണ്. ആരുടെ നിര്‍ദ്ദേശപ്രകാരമാണെന്ന് അറിയില്ലെന്നുമാണ് പൊലിസില്‍ മൊഴി നല്‍കിയിരിക്കുന്നത്.
സിനിമാ രംഗത്തേക്കും അന്വേഷണം വ്യാപിപ്പിച്ചിട്ടുണ്ട്. സുനിയെ അവസാനം വിളിച്ചത് ഒരു നിര്‍മാതാവാണെനന്ന് പൊലിസ് കണ്ടെത്തിയിരുന്നു.
അതിനിടെ കേസില്‍ ഒരാളെ കൂടി പൊലിസ് കസ്റ്റഡിയിലെടുത്തിട്ടുണ്ട്. അമ്പലപ്പുഴ കാക്കാഴം സ്വദേശി അന്‍വറിനെയാണ് കസ്റ്റഡിയിലെടുത്തത്. പ്രധാന പ്രതി പള്‍സര്‍ സുനിയടക്കമുള്ള പ്രതികളുമായി അന്‍വര്‍ ഫോണില്‍ ബന്ധപ്പെട്ടതായി പൊലിസ് കണ്ടെത്തിയിരുന്നു. അന്‍വറിനെ ആലുവ ഡി.വൈ.എസ്.പി ഓഫീസില്‍ ചോദ്യം ചെയ്യുകയാണ്.