കണ്ണൂര്‍: മട്ടന്നൂര്‍ എടയന്നൂരിലെ യൂത്ത് കോണ്‍ഗ്രസ് നേതാവ് ശുഹൈബിന്റെ കൊലപാതകം ദേശിയ തലത്തിലേക്ക്. കെ. സുധാകരന്റെ നിരാഹാര സമരം അടുത്തദിവസം ആരംഭിക്കാനിരിക്കെയാണ് രാഹുല്‍ ഗാന്ധി കണ്ണൂരിലെത്തുന്നത്.

രാഹുല്‍ എത്തുന്നദിവസം വ്യക്തമായില്ലെങ്കിലും അടുത്തുതന്നെ അദ്ദേഹം കണ്ണൂരിലെത്തുമെന്ന് ജില്ലാ കോണ്‍ഗ്രസ് കമ്മിറ്റി അറിയിച്ചു. കണ്ണൂരിലെ രാഷ്ട്രീയ കൊലപാതകം ബി.ജെ.പി ദേശിയതലത്തില്‍ ആയുധമാക്കിയതിന് പിന്നാലെയാണ് കോണ്‍ഗ്രസും ദേശിയ തലത്തിലേക്ക് പ്രശ്‌നത്തെ ഉയര്‍ത്തുന്നത്.

അതേസമയം, ശുഹൈബ് വധത്തില്‍ പ്രതിഷേധിച്ച് ഡല്‍ഹിയിലെ സി.പി.എം ആസ്ഥാനമായ എ.കെ.ജി ഭവനിലേക്ക് കോണ്‍ഗ്രസ് പ്രവര്‍ത്തകര്‍ പ്രതിഷേധപ്രകടനം നടത്തി.