തിരൂരങ്ങാടി: തിരിച്ചുവന്ന പ്രവാസികളുടെ പുനരധിവാസമടക്കമുള്ള അടിയന്തര പ്രാധ്യാന്യമുള്ള പ്രശ്‌നങ്ങള്‍ പരിഹരിക്കണമെന്നാവശ്യപ്പെട്ട് പ്രവാസി ലീഗ് സംഘടിപ്പിക്കുന്ന സമരപരിപാടികളുടെ സംസ്ഥാനതല വിളംബര സംഗമം എറണാകുളത്ത് നടത്താന്‍ കേരള പ്രാവസി ലീഗ് നേതൃയോഗം തീരുമാനിച്ചു. ഫെബ്രുവരി 22 ന് വ്യാഴ്ച 2 മണിക്ക് എറണാകുളം ജില്ലാ മുസ്‌ലിം ലീഗ് ഓഡിറ്റോറിയത്തില്‍ നടക്കുന്ന സംഗമത്തില്‍ സമര രൂപരേഖ അംഗീകരിക്കും. പ്രവാസി ലീഗ് സംസ്ഥാന കൗണ്‍സില്‍ അംഗങ്ങള്‍, ജില്ലാ ഭാരവാഹികള്‍, മണ്ഡലം പ്രസിഡന്റ് - സെക്രട്ടറിമാര്‍ എന്നിവരാണ് സംഗമത്തിലെ പ്രതിനിധികള്‍. പ്രസിഡന്റ് എ.സ്.വി അബ്ദുല്ല അധ്യക്ഷനായി. ജനറല്‍ സെക്രട്ടറി ഹനീഫ മൂന്നിയൂര്‍, കാപ്പില്‍ മുഹമ്മദ് പാഷ, പി.എം.കെ കാഞ്ഞിയൂര്‍, കെ.സി അഹമ്മദ് ജലീല്‍ വലിയകത്ത്, എന്‍.എം ശരീഫ്, എം.എസ് അലവി, കെ.കെ അലി സംസാരിച്ചു.