ചെമ്മാട്: നേരിനൊപ്പം ഒത്തുചേരാം എന്ന പ്രമേയത്തില്‍ നടക്കുന്ന ലീഡേഴ്‌സ് പര്‍ലമെന്‍ിന് ദാറുല്‍ഹുദാ ഒരുങ്ങി. രജിസ്റ്റര്‍ ചെയ്ത അയ്യായിരത്തോളം പ്രവര്‍ത്തകര്‍ക്കുള്ള വേദിയാണ് തയാറാക്കിയിട്ടുള്ളത്. ബസ് സമരം കാരണം വിവിധ മേഖലകളില്‍ പ്രത്യേകം തയാറാക്കിയ വാഹനങ്ങളില്‍ പ്രവര്‍ത്തകര്‍ എത്തിച്ചേരുമെന്ന് സംസ്ഥാന സെക്രട്ടറി സത്താര്‍ പന്തല്ലൂര്‍ അറിയിച്ചു.
ഇന്ന് രാവിലെ ഒന്‍പതിന് സയ്യിദ് മുഹമ്മദ് കോയതങ്ങള്‍ ജമലുല്ലൈലി പതാക ഉയര്‍ത്തും. വിവിധ സെക്ഷനുകളിലായി മുഖ്യ പരിപാടികളായ നാഷനല്‍ ഡെലിഗേറ്റ് ഇജ്‌ലാസ്, സ്‌റ്റേറ്റ് ലീഡര്‍ഷിപ്പ് സ്‌കൂള്‍, കൗണ്‍സിലേഴ്‌സ് പാര്‍ലമെന്റ്, കാപ്ചറിങ് ന്യൂ ഹൊറിസോണ്‍ ടീം ട്രെയിനിംഗ്, റെമിനിസെന്‍സ്, ജനറല്‍ കൗണ്‍സില്‍ എന്നിവ നടക്കും. എസ്.കെ.എസ്.എസ്.എഫ് ദേശീയ കമ്മിറ്റി ശാക്തീകരണമാണ് ക്യാംപ് ലക്ഷ്യം വെക്കുന്നത്.