തലക്കുളത്തൂര്‍: പാലോറമലയും സമീപപ്രദേശങ്ങളും മാലിന്യവിമുക്തമാക്കാനും സസ്യ സമ്പുഷ്ടമാക്കി പുനര്‍നിര്‍മിക്കാനും വേണ്ടി തയാറാക്കിയ പദ്ധതിയായ മിഷന്‍ ഗ്രീന്‍ ക്ലീന്‍ പാലോറമലയ്ക്ക് തുടക്കമായി. ഇന്നലെ മലയും പരിസരങ്ങളും വിവിധ സംഘടനകളുടെ നേതൃത്വത്തില്‍ ശുചീകരിച്ചു.
150ഓളം പ്രവര്‍ത്തകര്‍ നാലു സംഘങ്ങളായി മാലിന്യങ്ങള്‍ ശേഖരിച്ചു പാതയോരങ്ങള്‍ വൃത്തിയാക്കി. ശേഖരിച്ച മാലിന്യങ്ങള്‍ പദ്ധതിയുടെ ഭാഗമായി വെര്‍മി കമ്പോസ്റ്റ് രൂപത്തിലാക്കും.
പഞ്ചായത്ത്, ആയുര്‍വേദിക് അഡോളസന്‍സ് കെയര്‍ സെന്റര്‍, സി.എം.എം ഹയര്‍സെക്കന്‍ഡറി സ്‌കൂള്‍, മാനസ് സെന്റര്‍, റസിഡന്‍സ് അസോസിയേഷനുകള്‍, കുടുംബശ്രീ, നാളികേര സഹകരണ സംഘം, യു.എല്‍.സി.സി, മലയാള മനോരമ എന്നിവരുടെ സഹകരണത്തോടെയാണ് പദ്ധതി നടപ്പിലാക്കുന്നത്.