ചാലിയം: റെയില്‍വേ ട്രക്കിനു സമീപം അടിക്കാടിന് തീപിടിച്ചത് പരിഭ്രാന്തി പരത്തി. മണ്ണൂര്‍ റെയില്‍വേ ഗേറ്റിനു സമീപം ഇന്നലെ വൈകിട്ട് നാലരയോടെയാണ് സംഭവം.
മണ്ണൂര്‍ റെയില്‍വേ ഗേറ്റ്മാന്‍ കടലുണ്ടി സ്റ്റേഷനിലേക്കും ഫറോക്ക് റെയില്‍വേ സ്‌റ്റേഷനിലേക്കും വിവരം നല്‍കിയതിനെത്തുടര്‍ന്ന് ഇരുഭാഗത്തുനിന്നും വരുന്ന ട്രെയിനുകള്‍ സമീപത്തുള്ള സ്റ്റേഷനില്‍ പിടിച്ചിട്ടു. മീഞ്ചന്ത ഫയര്‍ യൂനിറ്റിലെ സ്റ്റേഷന്‍ ഇന്‍ ചാര്‍ജ് എന്‍. രമേശിന്റെ നേതൃത്വത്തില്‍ ഫയര്‍ഫോഴ്‌സ് സംഘമെത്തി തീയണച്ചു. വൈകീട്ട് അഞ്ചരയോടെ ട്രെയിന്‍ ഗതാഗതം പുനഃസ്ഥാപിച്ചു.