ഫറോക്ക്: ചെറുവണ്ണൂര്‍ സംഗമം റസിഡന്‍സ് അസോസിയേഷന്റെ ആഭിമുഖ്യത്തില്‍ ഊര്‍ജകിരണ്‍ 2016- 17ന്റെ ഭാഗമായി ബോധവല്‍ക്കരണ ക്യാംപ് നടത്തി.
എനര്‍ജി മാനേജ്‌മെന്റ് സെന്റര്‍ കേരള, സെന്റര്‍ ഫോര്‍ എന്‍വയോണ്‍മെന്റ് ആന്‍ഡ് ഡെവലപ്‌മെന്റ് തിരുവനന്തപുരം, കാളാണ്ടിത്താഴം ദര്‍ശനം സാംസ്‌കാരിക വേദി എന്നിവയുടെ സഹകരണത്തോടെ സംഘടിപ്പിച്ച ക്യാംപ് വി.കെ.സി മമ്മദ്‌കോയ എം.എല്‍.എ ഉദ്ഘാടനം ചെയ്തു. പി.സി രാജന്‍ അധ്യക്ഷനായി. കൗണ്‍സിലര്‍മാരായ എം. ശ്രീജാ ഹരീഷ്, എം. മൊയ്തീന്‍, സംഗമം പ്രസിഡന്റ് സി. രമേശ്, പി. രമേശ്ബാബു, എം.എ ജോണ്‍സണ്‍ സംസാരിച്ചു. ഊര്‍ജ കാര്യക്ഷമതയും സംരക്ഷണവും എന്ന വിഷയത്തില്‍ എന്‍. സിജേഷ് സംസാരിച്ചു. എല്‍.ഇ.ഡി ബള്‍ബ് നിര്‍മാണ പരിശീലനത്തിന് എം.കെ. സജീവ്കുമാര്‍ നേതൃത്വം നല്‍കി.