മാവൂര്‍: കൂളിമാട്ടു നടന്ന സമസ്ത കേരള ജംഇയ്യത്തുല്‍ മുഅല്ലിമീന്‍ മാവൂര്‍ മേഖലാ ഇസ്്‌ലാമിക് കലാമേളയില്‍ മുക്കം റെയ്ഞ്ച് ചാംപ്യന്മാരായി.
പെരുമണ്ണ റെയ്ഞ്ച് രണ്ടാം സ്ഥാനവും മലയമ്മ റെയ്ഞ്ച് മൂന്നാം സ്ഥാനവും നേടി. കലാപ്രതിഭകളായി മുക്കം റെയ്ഞ്ചിലെ ഹുസൈല്‍ (സബ് ജൂനിയര്‍), മുഹമ്മദ് സാഹില്‍ (ജൂനിയര്‍), അമീന്‍ (സീനിയര്‍), ദില്‍ശാദ് സലീം (സൂപ്പര്‍ സീനിയര്‍) എന്നിവരെ തിരഞ്ഞെടുത്തു. കൂളിമാട് തഹ്‌ലീമുല്‍ ഔലാദ് ഹയര്‍ സെക്കന്‍ഡറി മദ്‌റസയില്‍ നടന്ന മത്സരം അഡ്വ. പി.ടി.എ റഹീം എം.എല്‍.എ ഉദ്ഘാടനം ചെയ്തു.
അബ്ദുല്‍ ജബ്ബാര്‍ അന്‍വരി അധ്യക്ഷനായി. കെ.എ ഖാദര്‍ മാസ്റ്റര്‍, കെ.എന്‍.എസ് മൗലവി, ഒ.പി അശ്‌റഫ് മൗലവി, റശീദ് ഫൈസി വെള്ളായിക്കോട്, അംജദ് ഖാന്‍ റശീദി, പുവ്വാട്ട് ബാവ ഹാജി, മുഹ്‌യുദ്ദീന്‍ ദാരിമി, റാശിദ് യമാനി, ഫൈസല്‍ ഹസനി, സാജിദ് ഫൈസി, അബ്ദുറഹ്മാന്‍ ലതീഫി, ഇല്യാസ് ഫൈസി, ജമാലുദ്ദീന്‍ ദാരിമി, സി.എ ശുകൂര്‍ മാസ്റ്റര്‍, എന്‍.എം ഹുസൈന്‍ പ്രസംഗിച്ചു. ജില്ലയിലെ ഒന്‍പതു റെയ്ഞ്ചുകളിലെ പ്രതിഭകള്‍ 46 ഇനങ്ങളില്‍ മാറ്റുരച്ചു.
സമാപന സമ്മേളനത്തില്‍ സമസ്ത മാനേജര്‍ മോയിന്‍കുട്ടി മാസ്റ്റര്‍ സമ്മാനദാനം നടത്തി.